IMPRUDENCIA Ou DESVERGOÑA

CARLOS ERNESTO MUIÑOS

Lembro aqueles tempos nos que uns chupatintas amparados na súa afinidade co sistema blindaban o seu futuro instalados no sindicato vertical que garantía a súa estabilidade a través dos orzamentos xerais do estado, pois ben, a tempo presente a resurrección do modelo é un todo contrastable, agora resulta que o Movemento Nacional penetra polas gretas da democracia e os profesionais do conto non reparan en tentar xustificar o inxustificable para garantirse o seu nauseabundo futuro .


A tolerancia ten un limite e cando as excentricidades chegan ao inaudito un debe saír á palestra e situar a cada un no seu sitio pois suposto contrario estariamos a regularizar o insólito.

É evidente que estes señores padecen de amnesia ou quizá teñan a malévola intención de catalogar de imbéciles aos demais, pois a versión que emiten sobre a realidade de Astano raia no esperpéntico.

A realidade é outra e ben distinta e creo que precisa aclaración; e para ese efecto direilles que foron Vostedes e os seus colegas uxetistas quen avalaron, asinaron e propiciaron o declive do estaleiro deixando a salvo os seus intereses e o seu futuro laboral, propiciaron o desastre do 83 referendaron a liquidación do 2004, e a estas alturas teñen a ousadía de facer un xuízo crítico a quen tentas corrixir o seu desaguisado.


Vostedes non teñen xustificación algunha, tan só posúen unha chea de monos de traballo sen estrear unha apatía crónica ao traballo, unha cara como un zapato e unha lingua imprudente.

Si Astano ha ser privado que o sexa e si con iso a vostedes acábanselles os privilegios, canto antes privatícese moito mellor, pois xa está ben de parásitos.


Aviso: Calquera réplica ao presente presupón un alto risco

6 de marzo de 2010