MOCION DO GRUPO POLÍTICO DO PARTIDO POPULAR SOBRE MEDIDAS A ADOPTAR EN DEFENSA DO FUTURO DO ESTALEIRO NAVANTIA-FENE

ACTA DA SESIÓN ORDINARIA CELEBRADA POLO CONCELLO PLENO EN DATA 8 DE XANEIRO DE 2009.-

6º.- MOCION DO GRUPO POLÍTICO DO PARTIDO POPULAR SOBRE MEDIDAS A ADOPTAR EN DEFENSA DO FUTURO DO ESTALEIRO NAVANTIA-FENE.
Seguidamente dáse conta do ditame da Comisión Informativa de Organización e Seguridade de data 2 de xaneiro de 2009 que transcrito literalmente di:
“SEGUNDO.- MOCIÓN DO GRUPO POLÍTICO DO PARTIDO POPULAR SOBRE MEDIDAS A ADOPTAR EN DEFENSA DO FUTURO ASTELEIRO DE NAVANTIA-FENE.
Seguidamente dáse conta da moción do grupo político do partido popular relativa ao asunto epigrafiado, de data 1 de decembro de 2008.
Aberto o turno de intervencións pide o uso da palabra o Sr. Galego Feal quen, unha vez concedido, manifesta que falaron de reducir o texto da moción suprimindo a mnotivación da urxencia e a exposición de motivos, polo que a moción queda reducida á proposta de acordo que, transcrita di:

“1º.- Se urxan as xestión e trámites pertinentes no senso de que por parte das institucións supra municipais se afronte a maior urxencia a execución da infraestructura de gran escala
denominada Rolda Oeste a fin de potenciar as xa de por si excelentes condicións das instalacións do Estaleiro fenés.
2º.- Se determine na revisión do puntual do planeamento municipal inviabilizar o uso ou destino do actual solo industrial ocupado por la planta naval para fins distintos os estrictamente vencellados coa súa actividade promovente.
3º.- Se decrete paralelamente ao trámite de modificación puntual e acorde co marco normativo de aplicación a suspensión de licencias en todo o ámbito do estaleiro para aquelas actividades diverxentes coa construcción naval ou complementarias a mesma (licencias de construcción, parcelación, actividade, etc.) no senso de cercenar calquera ocupación ou implantación allea.
4º.- Se curse comunicación a SEPI ( Sociedad Estatal de Participaciones Industriales), no senso de que se absteña en establecer negociacións destinadas a implantar actividades fabriles dentro do recinto do estaleiro distintas as de precisado carácter naval ou complementarias a mesmo con advertencia de rexietamento da corporación a calquera cambio de uso diferente o xa referido.
5º.- Se de traslado da decisión municipal os organismos pertinentes que por disciplina legal teñan obrigada audiencia ou coñecemento no procedemento, tanto as de carácter autonómico como da administración do Estado.”
O Sr. Pico Sanmartín pide o uso da palabra e , unha vez concedido, manifesta que a eles a moción lles vale sen a exposición de motivos.
Seguidamente intervén o Sr. Noceda Carballo e manifesta que a moción ten plantexamentos diverxentes verbo da postura que o grupo do PSdeG-PSOE mantén; que entenden que a saída da situación da Comarca pasa pola diversificación industrial, e que unha medida para elo é a da utilización do solo ocioso que está no estaleiro ; que a moción limita calquera tipo de uso que non sexa de construcción naval, polo que o grupo socialista entende que é unha moción que limita o desenvolvemento do Concello polo que non pode apoiar esta moción.

A continuación pide o uso da palabra o Sr. Sánchez Martínez quen, unha vez concedido, manifesta que quere ler a moción con tempo e que nesta Comisión váise abster.
De seguido pide o uso da palabra o Sr. Rodríguez Carballeira quen, unha vez concedido, di que para él a moción non ten sentido, porque fai unhas semanas o Pleno da Corporación aprobóu por unanimidade unha moción a instancia do Comité de empresa de Navantia sobre o asunto e tratar agora outra no lle parece serio.
Rematadas as intervencións pola Presidencia sométese o asunto a votación ordinaria, obténdose o seguinte resultado:
Votos a favor: Tres (3),(dos/a Sres/a Galego Feal, Bértoa Puente e Pico Sanmartín)
Votos en contra: Catro (4), (dos/a Sres/a Noceda Carballo, Rodríguez Carballeira, García Balado e Lourido González)
Abstencións: Unha (1), (do Sr. Sánchez Martínez).
Á vista do resultado da votación declárase ditaminada desfavorablemente a moción nos termos nos que queda redactada, anteriormente transcritos. “

Aberto o debate pide o uso da palabra o Sr. Galego Feal quen, unha vez concedido, manifesta que na comisión se retirou a xustificación da urxencia e da moción, reducíndose única e
exclusivamente aos puntos da solicitude, se ben nesa comisión xa se fixo unha modificación dun dos puntos, polo que reiteran a moción na que o que se pide básicamente é que se manteña a situación urbanística actual do estaleiro. Continúa a súa intervención o Sr. Galego Feal e di que queren facer unha modificación na moción, no punto segundo, onde di “puntual”, que pasaría a ser “xeral”, e no punto terceiro, onde di “puntual”, pasaría a ser “xeral”, e no punto cuarto engadir “…excepto as instalacións ocupadas pola antiga Imenosa”.
A continuación pide o uso da palabra o Sr. Sánchez Martínez quen, unha vez concedido, manifesta que hai algúns puntos nos que, pode coincidir, como é o primeiro, pero verbo dos outros puntos, uns os ve incongruentes, e outros se deberían tomar as decisións no momento correspondente. Di que é unha reivindicación constante entre todos que volva o estaleiro totalmente á construcción naval e que o que non se debe conceder solo para montar pequeños chiringuitos; que se viñese unha empresa moi grande e crease moitísimos postos de traballo terían que replantearse o tema; di que en canto ao punto terceiro lle serve o que dice; que no cuarto, si se lle podería esixir que sexa preferentemente; que hai outra cousa, xa que recentemente aprobouse unha moción do Comité de Empresa de Navantia por unanimidade na que se esixía o desbloqueo da construcción naval, polo que para él a moción que presenta o grupo do Partido Popular non ten moito sentido, polo que váise abster.
Seguidamente pide o uso da palabra o Sr. Polo Gundin quen, unha vez concedida di que o BNG ten claro que Fene e esta comarca conta cunha infraestructura inmellorable para a construcción naval; que teñen un acordo do Estado coa Unión Europea que impide a construcción naval civil ata o dous mil quince e teñen no contexto actual o compromiso do Presidente do Goberno de reabrir as negociacións para desbloquear e renegociar ese acordo e que esa data do 2015 se poida adiantar e Astano poida recuperar o seu uso que non debe ser outro que o da construcción naval civil; di que nese sentido apoian esta moción e cren que é moi importante non desagregar os terreos deste estaleiro porque ese si podería ser o principio do fin real da posibilidade de que nese estaleiro se fagan barcos, que é para o que está feito, non para facer outro tipo de actividades industriais que, incluso, poderían ser contestadas socialmente, como foron outras e están sendo outras no ámbito da ría.

A continuación pide o uso da palabra o Sr. Noceda Carballo quen, unha vez concedido, manifesta que o grupo municipal socialista na Comisión Informativa votou en contra da moción pero hai algúns aspectos que a dia de hoxe foron revisados e son elemento de reflexión para o cambio da súa posición; di que aínda que consideran que a moción non é de todo oportuna, xa que o grupo socialista sempre defendeu a unidade de acción xunto co comité de empresa, dado que e o que se trata é o de defender que exista construción naval no estaleiro non será o grupo socialista quen se opoña a iso, senón todo o contrario; di que ademáis á vista das modificacións propostas neste Pleno polo Sr Galego Feal, e tendo en conta o fondo do asunto o grupo socialista vaise abster.
Deseguido pide o uso da palabra o Sr. Galego Feal quen, unha vez concedido, manifesta que eles apoiaron a moción presentada polo Comité de Empresa de Navantia, e seguen a apoiar e cren que iso non entra en contradición coa moción que eles presentan; di que lle gustaría lembran que no estaleiro hai unha pancarta na que di que o estaleiro non se arrenda nin se vende e que coa moción que presenta o que pretende e que non se parcele o estaleiro e non se venda a pedazos; que se aparece unha grande empresa haberá que buscarlle solo industrial, ampliando ou tratando de ampliar o polígono de Vilar do Colo e pregunta que empresa máis grande pode vir a esta comarca que a que xa hai e repostase, ningunha, e que se así fora supón que todos os partidos da Corporación poñerían o hombro para que non se fora de Fene.
Seguidamente pide o uso da palabra o Sr. Sánchez Martínez quen, unha vez concedido, manifesta que cando se referíu a unha grande empresa, referíase a unha grande empresa
que fora compatible co medio; que o obxectivo primeiro é que Astano volva á construcción naval é algo que desde esquerda unida o teñen moi claro.
A continuación pide o uso da palabra o Sr. Polo Gundin quen, unha vez concedido, manifesta que cre que non teñen que dispersarse as forzas, senón concentrarse para que Astano se dedique á actividade para a que foi concebido que é a construcción naval, e que con esta moción se garante que a infraestructura se manteña para esa finalidade.
De seguido pide o uso da palabra o Sr. Noceda Carballo quen, unha vez concedido, di que o seu grupo tampouco está de acordo en que Astano se compre, se venda nin en que se parcele; que o grupo socialista o que defende é a unidade de acción co comité de empresa e, polo tanto, traballar conxuntamente con eles en todas as iniciativas que plantexen; que o que o grupo socialista plantexa é a reactivación da construción naval do estaleiro e o que tamén plantexa é a aposta pola diversificación industrial no Concello.
Rematado o debate, polo Sr. Alcalde-Presidente sométese a votación ordinaria o ditame da Comisión Informativa de Organización e Seguridade de data 2 de xaneiro de 2009 coas modificacións na moción propostas polo Sr. Galego Feal, obténdose o seguinte resultado.
Votos a favor: Ningún
Votos en contra: Nove (9) ( dos/as Sres/as Polo Gundín, Couto Seijido, Pico Sanmartín, Roca Requeijo, Vigo López, Galego Feal, Bértoa Puente, Fornos Corral e Franco Casal).
Abstencións: Oito (8), (dos/as Sres/as Puentes Rivera, Noceda Carballo, López Rodríguez, Lourido González, Silvar Canosa, Rodríguez Carballeira, García Balado e Sánchez Martínez).
Á vista do resultado da votación declárase aprobada a moción do grupo politico do partido popular que di:
“1º.- Se urxan as xestión e trámites pertinentes no senso de que por parte das institucións supra municipais se afronte a maior urxencia a execución da infraestructura de gran escala denominada Rolda Oeste a fin de potenciar as xa de por si excelentes condicións das instalacións do Estaleiro fenés.
2º.- Se determine na revisión xeral do planeamento municipal inviabilizar o uso ou destino do actual solo industrial ocupado por la planta naval para fins distintos os estrictamente vencellados coa súa actividade promovente.
3º.- Se decrete paralelamente ao trámite de modificación xeral e acorde co marco normativo de aplicación a suspensión de licencias en todo o ámbito do estaleiro para aquelas actividades diverxentes coa construcción naval ou complementarias a mesma (licencias de construcción, parcelación, actividade, etc.) no senso de cercenar calquera ocupación ou implantación allea.
4º.- Se curse comunicación a SEPI ( Sociedad Estatal de Participaciones Industriales), no senso de que se absteña en establecer negociacións destinadas a implantar actividades fabriles dentro do recinto do estaleiro distintas as de precisado carácter naval ou complementarias a mesmo con advertencia de rexietamento da corporación a calquera cambio de uso diferente o xa referido, excepto as instalacións ocupadas pola antiga Imenosa”.
5º.- Se de traslado da decisión municipal os organismos pertinentes que por disciplina legal teñan obrigada audiencia ou coñecemento no procedemento, tanto as de carácter autonómico como da administración do Estado.”